Iniciativa kundër migrimit masiv, rrit pagat!

Iniciativa kundër migrimit masiv, e votuar nga zviceranët më 9 shkurt të këtij viti do të rezultojë  me rritje pagash për personat me kualifikime më të larta. Organizatat që përfaqësojnë degët ekonomike të Zvicrës supozojnë se në rast të vendosjes së kuotave për fuqinë punëtore nga BE-ja, do te ketë mungesë të personelit të kualifikuar. […]

Iniciativa kundër migrimit masiv, e votuar nga zviceranët më 9 shkurt të këtij viti do të rezultojë  me rritje pagash për personat me kualifikime më të larta. Organizatat që përfaqësojnë degët ekonomike të Zvicrës supozojnë se në rast të vendosjes së kuotave për fuqinë punëtore nga BE-ja, do te ketë mungesë të personelit të kualifikuar. Për pasojë, ky personel do të duhet të paguhet më shtrenjtë.

Kështu ka thënë për gazetën “Schweiz am Sonntag” Christian Stiefel, drejtor i Swissholdings, organizata që përfaqëson industrinë dhe koncernet që ofrojnë shërbime. Sipas tij këtu pritet të veprojë logjika ekonomike e raportit në mes të ofertës dhe kërkesës.

Sektorët më të goditur nga kjo pritet të jenë industria e makinave, ajo elektrike, kimke-frmaceutike, sektori i informatikës por po ashtu edhe hoteleria, ka thënë Stiefel.

Përfaqësues tjerë të ekonomisë tërheqin vërejtjen se si pasoje e jetësimit të “Iniciativës…”  do ta kenë më të vështirë sidomos degët që tregun e tyre e kanë të kufizuar brenda Zvicrës. Ato nuk kanë mundësi të bartin vendet e punës jashtë vendit, sikur disa degë të tjera. Këto të fundit sigurisht do të detyrohen që të vazhdojnë veprimtarinë e tyre prodhuese jashtë Zvicrës për shkak të çmimit të fuqisë punëtore.