Instagrami kritikohet për veçorinë e re

Rrjeti i madh social, Instagram, është kritikuar për veçorinë e re.

Pak ditë pasi mundësoi që njerëzit të postojnë sondazhe në fotografitë e tyre në “Instagram Stories”, përdoruesit kanë kuptuar se mund të shohin përgjigjet që kanë dhënë ndjekësit e tyre.

Shumë përdorues nuk kanë ditur se zgjedhja e tyre mund të shihet nga personi që ka nisur sondazhin. Disa prej tyre madje thonë se kanë bërë zgjedhje gabimisht.

Shumë prej tyre kanë deklaruar se kanë menduar se votimi i tyre do të jetë anonim, shkruan albinfo.ch.

Megjithatë, Instagrami kishte njoftuar se ky opsion është i hapur.

Rrjeti social Twitter është mbushur me kritika drejt Instagramit pasi përdoruesit thonë se ndihen keq që i janë përgjigjur me “Jo” dikujt që ka pyetur “A dukem bukur?” apo “A ju pëlqen arti im?”.

Ndërkohë Instagrami përmes një njoftimi ka thënë se është i kënaqur me efektin që ka treguar veçoria e re.

“Kur një përdorues sheh sondazhin për herë të parë, ai do të njoftohet se krijuesi i sondazhit do të kuptojë se si ka votuar”, thuhet në njoftim.