“Invazion” i rriqrave në Zvicër

Vetëm deri në fund të prillit janë regjistruar tashmë 4000 raste të pickimit, numër që është sa dyfishi i mesatares së regjistruar gjatë viteve të fundit

Rriqrat nuk kanë qenë kurrë më aktive në një sezon të tillë se sa në këtë fillim viti. Vetëm deri në fund të prillit janë regjistruar tashmë 4000 raste të pickimit nga ky insekt i rrezikshëm, bën të ditur Zyra Federale për Shëndetësi (BAG), transmeton albinfo.ch. Dhe ky numër është sa dyfishi i mesatares së regjistruar gjatë viteve të fundit.

Për kontrollet mjekësore për pickim nga rriqrat ka filluar të mbahet evidencë nga viti 2008.

Ky “invazion” i rriqrave ka ardhur si rezultat i motit të butë që ka mbretëruar sidomos në muajt janar dhe shkurt. Ndërsa kulmin e aktivitetit të tyre rriqrat e kanë në muajt maj dhe qershor.

Mesatarisht në vit në Zvicër regjistrohen deri 9700 sulme nga rriqrat.