Investim miliardësh, nënshkruhet memorandumi për ndërtimin e Portit turistik të Durrësit 

Sot është nënshkruar Memorandumi i Bashkëpunimit për ndërtimin e portit turistik të Durrësit, një investim prej 2 miliardë dollarësh që është një bashkëpunim midis “Eagle Hills Real Estate Development” shpk, përfaqësuar nga investitori e zhvilluesi me famë botërore Muhammed El Alabbar dhe “Albanian Seaports Development Company”.

Në fjalën e tij në ceremoninë e nënshkrimit, kryeministri i Shqipërisë, Edi Rama tha se ky është investimi më i madh turistik dhe në rajon, përcjell Albinfo.ch.

Ai theksoi ky investim vjen si rrjedhojë e një sërë hapash. “Do ishte e paimagjinueshme të kishim një investim të tillë në turizëm, në një vend që nisi të zhvillohej si vend me vizion turistik konkurrues kur ne morëm qeverinë”, tha Rama./Albinfo.ch/