Lajme

Ishujt Solomon e njohin Kosovën

Ishujt Solomon e kanë njohur pavarësinë e Kosovës duke u bërë vendi i 108 që e marrin këtë vendim. Njohjen e ka publikuar ministri në detyrë, Enver Hoxhaj

E mërkurë, 13 Gusht 2014 - 13:11 albinfo.ch

Republika e Kosovës është njohur të mërkurën nga Ishujt Solomon, një shtet i Oqeanisë, duke e ngritur kështu në 108 numrin e vendeve që njohin shtetin e Kosovës. Këtë njohje e ka publikuar ministri në detyrë i Punëve të Jashtme, Enver Hoxhaj, në rrjetin social facebook.

Hoxha këtë e konsideron si lajm të mirë për Kosovën.

“Një tjetër lajm i mirë për Kosovën. Ishujt Solomon sapo e kanë njohur pavarësinë e Kosovës duke u bërë vendi i 108 që e marrin këtë vendim. Urime qytetarëve të Kosovës”, ka shkruar Hoxhaj.

Ndryshe, Ishujt Solomon është një shtet sovran në Oqeani, në lindje të Papua Guineas së Re, i cili përbëhet nga afërsisht 1000 ishuj. Ka një shtrirje tokësore prej 28.400 km² dhe një popullsi prej gjysmë milioni banorësh. Kryeqyteti i Ishujve Solomon është Honiara që ndodhet në ishullin Guadalcanal.

Shteti i Ishujve Solomon është anëtar i Commonwealth of Nations. Ky shtet është pavarësuar nga Britania e Madhe më 1978.