Italianët emigrojnë në Shqipëri

Kriza ekonomike ka bërë që italianët të emigrojnë në Shqipëri

„Emigrantët tani jemi ne”,  është titulli i një shkrimi që zë një faqe të plotë në gazetën prestigjioze italiane ‘La Repubblica’.

Emigrantët italianë mbërrijnë në Shqipëri me anije nga Ankona dhe Bari si dhe me avionë me 20 fluturime të përditshme që ka mes dy vendeve.

Nuk ka vlerësime mbi numrin e italianëve në Shqipëri, pasi ata i drejtohen autoriteteve në Shqipëri, vetëm në rastet kur ata kanë një nevojë të vërtetë.

Ka edhe studentë, të cilët vazhdojnë shkollimin e tyre, ndërkohë që punojnë për 200-300 euro në muaj, madhësia mesatare e pagës.

Sipas specialistëve, fenomeni pritet të dyfishohet në dy-tre vitet e ardhshme.

Siç transmeton TCH, italianët emigrojnë në Shqipëri për të përfituar nga lehtësimet fiskale dhe krahu i lirë i punës, në një vend ku italishtja është shumë e përhapur.

Shpesh ata ndihmohen nga të njohur shqiptarë, jo rrallë bëhet fjalë për emigrantë shqiptarë me banim prej vitesh në Itali.

 Edhe mes tyre ka shumë që kthehen në atdhe për të përfituar nga mundësitë e reja.