Ja si u festua në Kosovë pezullimi i ndeshjes Serbi-Shqipëri

Tifozët shqiptarë i shprehin kombëtares përkrahjen me parakalimet e tyre nëpër sheshet e qyteteve të të gjitha hapësirave shqiptare

Në momentin që u mor vesh se ndeshja ndërmjet Serbisë dhe Shqipërisë në Beograd qe anuluar, mijëra tifozë të kombëtares shqiptare që ishin duke e ndjekur ndeshjen në transmetimet publike në pika të ndryshme të qyteteve u mblodhën dhe filluan marshimet e tyre me makina dhe këmbë npër sheshe.

Flamujt kombëtarë ishin shenja më dalluese e këtyre parakalimeve dhe thirrjet “O sa mirë me qenë shqiptar…” e të ngjashme.

Kombëtarja shqiptare nuk fitoi por në minutat para ndërprerjes së ndeshjes ajo ishte më superiore se kundërshtarja. Kjo dhe ndjenja e lëndimit që tifozët shqiptarë përjetuan pas sulmit që iu bë disa lojtarëve të kombëtares nga huliganët që hynë në fushë, bëri që emocionet e tifozëve të zienin në maksimum. Një gjë e tillë edhe u reflektua në pamjet që i sjell në vijim albinfo.ch, të fotografuara në rrugën qendrore të Gjilanit.