James Berisha kthehet nesër në Kosovë

Zëvendëskryeministri Pacolli bashkë me pilotin Berisha prej Stambollit nesër do të arrijë në Prishtinë

Zëvendëskryeministri i Kosovës, Behgjet Pacolli në një paraqitje telefonike për RTK-në,  ka  konfirmuar edhe zyrtarisht se ka arritur ta lirojë nga burgu James Berishën, dhe se aktualisht  bashkë me pilotin gjenden në Stamboll të Turqisë.

Zëvendëskryeministri Pacolli bashkë me pilotin Berisha prej Stambollit nesër do të arrijë në Prishtinë.

Ndërsa piloti Berisha ka shprehur gëzimin e tij që po kthehet në atdhe dhe ka thënë se është mirë me shëndet. Ai ka falënderuar Behxhet Pacollin për lirimin e tij.

Piloti shqiptaro-amerikan, James Berisha ka disa muaj që është mbajtur në burg në Eritre, pasi ishte në një fushatë lobimi për Kosovë në kontinetin e Afrikës.

Pacolli është angazhuar intenzivisht për lirimin e pilotit shqiptaro-amerikan, i cili ka qenë duke u angazhuar në misionin e tij lobues “Flying For Kosovo”, që nga dita e humbjes së kontakteve, me 15 gusht 2011.

 James Berisha i lirë, me meritën e Pacollit

Zëvendëskryeministrit i parë i Kosovës ka nisur të martën një vizitë në Tunizi dhe sipas njoftimit të shpërndarë nga zyra e tij për informim, ai do të vizitonte edhe një shtet tjetër afrikan, Eritrenë, ku po mbahej i burgosur James Berisha, pilkoti i njohur shqiptaro-amerikan.

Autoritetet e Eritreas e kanë liruar pilotin Berisha, pas vizitës që zëvendëskryeministri i parë, Behgjet Pacolli, i bëri këtij vendi, njofton “Zëri”.

Ai pritet të arrijë së shpejti në Kosovë.