Jarinja e Bërnjaku, të mbyllura që nga sulmi terrorist në Banjskë

Kanë kaluar tetë ditë që nga sulmi terrorist ndaj Policisë së Kosovës në fshatin Banjskë të Zveçanit, ku mbeti i vrarë rreshteri Afrim Bunjaku. Që nga ajo kohë pikat kufitare me Serbinë, Jarinjë e Bërnjak, vazhdojnë të jenë të mbyllura.

Në përditësimin e Ministrisë së Punëve të Brendshme shihet se edhe këtë të hëne në këto dy pika ende nuk ka qarkullim dhe vazhdojnë të jenë të mbyllura.

Autoritetet e Kosovës kishin bllokuar rrugët për shkak të sigurisë pas sulmit terrorist të 24 shtatorit.