Jastina Doreen Riederer, Miss Zvicra 2018

(KEYSTONE/Ennio Leanza)

Zvicra ka zgjedhur mbretëreshën e bukurisë. Jastina Doreen Riederer është emri i Miss Zvicra 2018.

Specialistja 19-vjeçare e shitjes me pakicë nga Spreitenbach AG e bindi jurinë në katër rundet e përzgjedhjes. Në zgjedhjen përfundimtare, Riederer fitoi kundër Karen Molinari dhe Michela Russo.

Finalja për Miss Zvicrën 2018 u zhvillua të shtunën mbrëma në Baden dhe u transmetua ‘live’ në SAT.1 Zvicër. Njëmbëdhjetë vajza të reja mes moshës 18 dhe 25 vjeç kishin bërë garë për kurorën e më të bukrës në  Zvicër, shkruan albinfo.ch.

Programi u drejtua nga ish-drejtuesi i radios Patrick Hässig (Energy Zurich). Anëtarë të jurisë ishin Claudia Lässer (Teleclub), Annina Frey (SRF) dhe Jontsch (Energy), së bashku me ish-juristin e “Next Top Model” të Gjermanisë, Peyman Amin dhe fotografin e famshëm Thomas Buchwalder.

Missi i fundit u zhvilluan në nëntor 2015. Lauriana Sallin nga Freiburgu ka mbajtur kurorën për më shumë se dy vjet dhe tani është zëvendësuar nga Riederer.
Këtë herë nuk ishte asnjë shqiptare, që rrallë herë ndodh në spektaklet e bukurisë në Zvicër.