“Josh Black, heroi i padëgjuar i Kosovës”

Ambasadorja e Kosovës në Washington, Vlora Çitaku ka prezantuar Josh Blackun, të cilin e konsideron si heroin e madh të Kosovës, por që deri tani nuk njihej nga kosovarët.

Ajo në Facebook ka postuar një fotografi me të në Facebook duke thënë se ka luajtur rol të madh për pavarësinë e Kosovës dhe se emri i tij do të shkruhet në librat e historisë.

“Josh është një hero i padëgjuar i pavarësisë sonë. Ka pasur rol krucial. Kur të shkruhet historia, emri i tij do të jetë aty. Kosovarët do të mësojnë për të në librat e historisë. Josh jam krenare që jam mikja jote”, ka shkruar ambasadorja kosovare, transmeton Albinfo.ch.

I menjëhershëm ka qenë reagimi i Blackut që në koment ka shkruar se është krenar që është mik i Kosovës.

“Kudo që jam, çfarëdo pune që bëj, do të punoj të forcoj lidhjet mes dy shteteve tona të PAVARURA. Dhjetë vjet më parë kemi bërë diçka të mrekullueshme! Mezi pres të shoh vitet tjera të ardhme të bashkëpunimit dhe kujtimeve të mira”, ka shkruar Black.