Targat ZH 888 shiten në ankand për 194 000 franga

Në rang vendi, kjo shitje renditet e dyta, pas targës ZG 10, (në kantoninin e Zugut) e cila është blerë në vitin 2018 për 233 mijë franga

Ankandi i targave me numër karakteristik 888 ka vazhduar deri të mërkurën dhe blerësi ka paguar plot 194 000 franga për to. Asnjëherë deri më tani një targë në Cyrih nuk është shitur kaq shtrenjt.

Ndërkaq, në rang vendi, kjo shitje renditet e dyta, pas targës ZG 10, (në kantonin Zug) e cila, sipas faqes së internetit “Auktion-ch.ch” është blerë në vitin 2018 për 233 mijë franga, transmeton albinfo.ch.

Në ankand u lejuan të marrin pjesë vetëm pronarët e makinave të regjistruara në kantonin e Cyrihut.

E kaluara ka treguar se targat me vetëm numrin 8 janë veçanërisht të preferuara, shkruan 20minuten.ch. Vitet e fundit, ankandet e targave ZH 8888 dhe ZH 888,888 kanë sjellë secili rreth 50,000 franga, kanë njoftuar të mërkurën nga kantoni i Cyrihut.

Që nga viti 2018, kantoni ka nxjerrë në ankand vetëm numra treshifrorë.

Tifozët e makinave paguajnë më shumë se 3.5 milionë franga në vit për targa speciale, përcjell albinfo.ch. Të ardhurat e ankandit derdhen në arkën e shtetit.

“Nga akandet tona përfitojnë banorët e Cyrihut” është shprehur paraprakisht përgjegjësi i Drejtoratit të sigurisë në Qeverinë e Cyrihut, Mario Fehr.

(Foto: Sicherheitsdirektion Kanton Zürich)

---