Kaçaniku përfiton rreth 140 mijë euro nga Gjermania

Komuna e Kaçanikut ka përfituar shumën në vlerë prej 137 mijë e 381 euro, në kuadër të garës për mjedis të pastër, nga Republika Federale e Gjermanisë nëpërmjet KfW-së, ku kanë qenë të përfshira 17 komuna të Kosovës, thuhet në njoftimin e Komunës së Kaçanikut.

Në takimin që kishte kryetari i Komunës së Kaçanikut, Besim Ilazi me kryeshefin Ekzekutiv të Kompanisë Regjionale të Mbeturinave “Pastërtia” Dugagjin Hetemi, u diskutua ndarja e këtyre mjeteve në KRK “Pastërtia” dega në Kaçanik.

Në takim po ashtu u diskutua forma më e mirë e menaxhimit të mbeturinave. Kryetari Ilazi falënderoi stafin komunal për angazhimin dhe punën e tyre për t’u bërë pjesë e garës ku tashmë kanë dal fitues.