Kanë nisur bisedimet e sllovenëve me vendet e BE-së që Pahor ta zëvendësojë Lajçakun

epa06325539 Slovenian President Borut Pahor reacts after the first results of the presidential runoff election in Ljubljana, Slovenia, 12 November 2017. Slovenia elects a new President between two candidates, incumbent President Borut Pahor and independent challenger Marijan Sarec, who both did not win a majority of votes in the 22 October first run of the elections. EPA-EFE/ANTONIO BAT

Këtë të mërkurë gazeta sllovene “Delo.si”, ka shkruar se kryeministri i Sllovenisë, Robert Golob e mbështet pa kushte ish presidentin e Sllovenisë Borut Pahor për postin e të dërguarit special të BE-së për dialogun Kosovë-Serbi.

Sipas kësaj gazete, Golob muajin e kaluar ka lobuar tek krerët e vendeve të BË-se, që Pahor ta zërë vendin e Miroslav Lajçak.

Nga zyra e kryeministrit Golob kanë thënë sot se kanë dhënë mbështetje të pakushtëzuar që Pahor të marrë pozitën e përfaqësuesit Special të BE-së për dialogun ndërmjet Beogradit dhe Prishtinës dhe çështje të tjera rajonale në Ballkanin Perëndimor.

Gjatë muajit të kaluar Golob ka zhvilluar bisedime të shumta bilaterale me liderët e vendeve evropiane si dhe me përfaqësuesit më të lartë të Bashkimit Evropian, për këtë çështje.

Kryeministri shprehet i bindur se “ish-presidenti Pahor ka dëshmuar me punën dhe përvojën e tij politike të deritanishme se është një mik i madh i vendeve të Ballkanit Perëndimor dhe përpjekjet e tij, si dhe përpjekjet e Sllovenisë, kanë për qëllim integrimin e vendeve të Ballkanit Perëndimor në Bashkimin Evropian, duke siguruar paqen dhe stabilitetin në Ballkanin Perëndimor dhe në këtë mënyrë të gjithë Evropën”.

Mandati i Miroslav Lajçak përfundon në muajin gusht. /Express