Kantonet, kundër heqjes së shpejtë të certifikatës Covid

Nga këndvështrimi i GDK-së, si kusht për heqjen e certifikatës duhet të jetë "ulja në mënyrë të qëndrueshme" e numrit të infeksioneve dhe shtrimeve në spital

Ministri i Shëndetësisë Alain Berset (PS) prej ditësh ka bërë rtë qartë qëllimin e qeverisë për një zbutje të ndjeshme të masave të koronavirusit.

Aty përfshihet jo vetëm heqja e karantinës dhe e detyrimit për punë nga shtëpia, të cilën Këshilli Federal, të cilat Këshilli Federal ka gjasa t`i shpallë të mërkurën, transmeton albinfo.ch. Këtu përfshihet edhe heqja e certifikatës Covid, të cilën Këshilli Federal duhet t’ua dërgojë kantoneve për konsultim të mërkurën.

Për më tepër, SVP kërkon heqjen e menjëhershme të certifikatës.

Mirëpo tashmë ka shenja rezistence nga kantonet për heqjen e shpejtë të certifikatave.

Michael Jordi, Sekretar i Përgjithshëm i Konferencës së Drejtorëve  Kantonalë të Shëndetësisë (GDK), thotë se është i bindur se certifikata do të jetë ende e nevojshme në javët në vijim, raporton srf.ch.

Nga këndvështrimi i GDK-së, si kusht për heqjen e certifikatës duhet të jetë “ulja në mënyrë të qëndrueshme” e numrit të infeksioneve dhe shtrimeve në spital.

Po kështu, norma e pozitivitetit në testet që kërkohet për heqjen duhet të jetë dukshëm më e ulët se sot.

Edhe pas heqjes së detyrimit të përgjithshëm për të treguar certifikatën, certifikata Covid mund të mbetet e rëndësishme për disa kohë si mjet, për shembull për organizatorët e manifestimeve apo për institucionet shëndetësore, sipas Jordit, transmeton albinfo.ch.

Por megjithatë, Sekretari i Përgjithshëm i GDK-së thotë qartë: “Nuk mund të mbajmë certifikatën vetëm për t’i bërë njerëzit të vaksinohen”.

---