Karateistët e Kosovës në “Swis Open”

Përfaqësuesja e Kosovës në karate do të udhëtojë për në Cyrih, ku do të marr pjesë në turneun e hapur ndërkombëtar të karatesë “Swis Open”. Sipas FKK-së, në këtë turne do të marrin 27 shtete më rreth 1285 garues.

“Përfaqësuesja e Kosovës në karate nesër do të udhëtojë për në Cyrih, ku do të marr pjesë në turneun e hapur ndërkombëtar të karatesë. Ky aktivitet shquhet për konkurrencën e fortë dhe pjesëmarrjen masive të shteteve evropiane. Përveç të gjitha klubeve të Zvicrës, në këtë turne do të marrin pjesë edhe 27 shtet më rreth 1285 garues. Kosova në këtë turne do të përfaqësohet më garuesit më të mirë”, bënë të ditur FKK-së.

Sipas FKK-së, Hekuran Sojeva (kadet), Orges Arifi dhe Gresa Hyseni (juniorë), Afrim Latifi, Herolind Nishevci, Alvin Karaqi, Agon Agani, Shkumbin Maksutaj, Liridon Fejzullahu, Rreze Shatri, Gentiana Karpuzi, Luljeta Shala, Jetmir Rexhepi dhe Velerda Agani (seniorë), do ta përfaqësojnë vendin tonë në turneun e Zvicrës.

Ndërsa me karateistët do të udhëtojnë edhe përzgjedhësi Ylber Syla, Safet Ramadani në cilësinë e gjyqtarit si dhe kryetari i FKK-së, Fadil Arifi.