Katër të rinj vdesin në një aksident

Dy të reja dhe dy të rinj ka humbur jetën në një aksident rrugor në Fribourg. Vetura dhe viktimat janë gjetur 26 orë pas aksidentit

Policia kantonale e Fribourgut  kishte raportuar për tre persona të humbur. Ata për herë te fundit  ishin parë me një veturë të verdhë në Payerne VD.

Pas mesnate, policia kishte ra në gjurmë të veturës së verdhë, e cila ishte gjetur përskaj rrugës në një mal.

Kur policia mbërriti në vendin ku kishte ndodhur aksidenti kishte parë një veturë të shkatërruar tërësisht rreth 30 metra poshtë rrugës.

Katër personat  ishin gjetur të vdekur, nga të cilët vetëm ngasësi ishte gjetur i shtrirë pranë makinës. Viktimat ishin bllokuar nën rrënojat e veturës së shkatërruar.

Sipas policisë së Friborgut  katër viktimat e aksidentit ishin nën moshën tridhjetë vjeç.

Sipas hetimeve fillestare aksidenti kishte ndodhur në rrugën Léchelles-Grolley, teksa shoferi kishte humbur kontrollin në një kthesë në të majtë, vetura kishte fluturuar dhjetë metra në ajër dhe ishte  përplasur në një pemë duke rrëshqitur njëzet metra poshtë shpatit.

Policia beson se aksidenti ka ndodhur të hënën në mbrëmje rreth orës 23.