KE kërkon nga politika shqiptare „të lidhë paqen“

Komisioni Evropian (KE) ka kërkuar nga politika shqiptare të arrijë konsensusin në ditët e fundit të vitit 2010. Apeli për politikanët shqiptarë ka ardhur nga drejtori për Ballkanin Perëndimor pranë Komisionit Europian, Pierre Mirel.

“Pres tani që jemi në fundvit politika juaj të gjejë harmoninë, në mënyrë që tu japë,ndërkombëtarëve, mundësi për të vizituar Shqipërinë”, ka thënë Mirel.Mirel apelin e tij e ka drejtuar edhe në lidhje me përdorimin e regjimit pa viza, duke njoftuar se viti i ardhshëm do të jetë viti vendimtar dhe rreptësisht i monitoruar. “Vendimi ka qenë relativisht i vështirë për t’u marrë, pasi ka pasur abuzime me sistemin nga vende të tjera.

E rëndësishme është të respektohen kushtet. Zyrtari i Brukselit ishte në Tiranë në fillim të nëntorit për t’i dorëzuar Kryeministrit opinionin për statusin e vendit kandidat. Krahas dokumentit ai la për liderët e Tiranës dhe 12 porositë për përgjigje pozitive për statusin kandidat vitin e ardhshëm.