Këngëtarja shqiptare mes Zvicrës dhe Prishtinës: Është sikur të kesh dy jetë

Aurora Zeka jeton në Zvicër, derisa ka prejardhje nga Kosova. Ajo tashmë ka dy këngë që janë shumë të ndjekura

Aurora Zeka (15-vjeçare) nga Neunkirch ka shumë fansa dhe është një këngëtare me perspektiv për të ardhmen.

Ajo ka nënshkruar kontratë 10-vjeçare me “On Records” në tetor të këtij viti. “Edhe si fëmijë, desha të bëhesha këngëtare. Tani unë po jetoj ëndrrën time”, shprehet Aurora për ‘Blick’.

Aurora Zeka jeton në Zvicër, derisa ka prejardhje nga Kosova. Ajo tashmë ka dy këngë që janë shumë të ndjekura. Klipi në debutimin e saj “Po Du” u pa në Youtube nga rreth 300,000 njerëz, derisa në Instagram, Aurorën e ndjekin rreth 61,000 fansa, përcjell albinfo.ch.

https://www.youtube.com/watch?v=6oAviemTbcI

Synimet e saj për të ardhmen janë të qarta. “Unë dua të jem Ariana Grande e dytë. Dhe unë ëndërroj të bëj një turne botëror”, thotë Aurora.

Sidoqoftë, edhe karrierën nuk dëshiron ta lë anash. “Unë dua të studioj në Harvard”, thotë ajo, përcjell albinfo.ch.

Ajo nuk lë anash shkollën, por edhe vendlindjen e saj, derisa në fundjavë shkon në Prishtinë për të regjistruar këngë në studio. “Është sikur të kesh dy jetë”, shpjegon Aurora. “Deri më tani, unë jam duke kombinuar shumë mirë shkollën dhe muzikën”, shprehet tutje ajo.

https://www.youtube.com/watch?v=U3mzj8dbAGE

Aurora ka disa projekte të rëndësishme në Prishtinë. “Në Zvicër, ndihem si në shtëpi. Në Prishtinë, një shkollë e re më pret, njerëz të rinj dhe një vend i ri. Kjo më frikëson pak”, pranon adoleshentja.

Nëna e saj, Ilirja (35-vjeçare), në fillim kishte rezerva. “Sigurisht që kisha rezerva dhe pyesja veten nëse ishte vendimi i duhur”, thotë ajo. “Më në fund nënshkrova (me On Records) me kusht që Aurora të mos e neglizhojë shkollën. Është e rëndësishme për mua që Aurora, pavarësisht se është e suksesshme, të vazhdoj shkollën. E mbështes plotësisht dhe jam shumë krenare për vajzën time”, thotë Ilirja.

---