“Kobra” është gati

Boksieri shqiptar po përgatitet intesivisht me meçin e karrierës kundër David Haye, që zhvillohet më 21 maj në Londër

Arnold Gjergjaj i njohur me nofkën “Kobra” është gati për meçin më të madh në karrierën e tij deri më tani. Gjergjaj më 21 maj do të ballafaqohet me boksierin britanik David Haye. Në një intervistë për “Blick”, boksieri shqiptar ka thënë se është i gatshëm për këtë duel, përcjell albinfo.ch.

“Kam pasur javë të vështirë, ku kam stërvitur intensivisht. Shumica e punës është bërë. Tashmë do të fokusohem në sparing dhe më pas do të vjen lufta”, deklaroi Gjergjaj për gazetën zvicerane.

Ai stërvitet shumë me seriozitet për këtë meç. “Unë gjithmonë stërvitem në mënyrë serioze. Duhej të përgatitem për këtë betejë dhe asnjëherë nuk kam parë kaq partner të mirë në sparing. Shpresoj që do të shpaguhet pas dy javësh. Nuk kam problem që do të ndeshem në Londër. Është mirë të ndeshesh para atyre shikuesve. Jam i fokusuar për duelin me Haye. Jam i gatshëm dhe dua të kthehem me fitore nga Londra”, theksoi boksieri shqiptar.