Shkurt.ch

Kontrabandojnë në Zvicër 130 kg ari

E mërkurë, 24 Qershor 2015 - 11:18 albinfo.ch

Një grup personash kanë kontrabanduar në Zvicër 129 kilogramë ar dhe 1.4 tonelata argjend. Këtë kontrabandë nga Italia në kantonin e Ticinos ata e kanë kryer brenda një kohe të gjatë, duke bërë preparimin e automjeteve për të fshehur transportin ilegal.

Ata e kanë bërë këtë veprim për t`i ikur tatimit në Itali.

Personat në fjalë që janë nga krahinat italiane Lombardi dhe Piemont si dhe nga Zvicra, gjykata zvicerane i akuzon për tregti ilegale me ari, pastrim parash dhe shitje gjësendesh të vjedhura, shkruajnë mediet zvicerane.

Në hetimet ndaj tyre kanë bashkëpunuar policitë spanjolle, britanike dhe zvicerane.

Përmes trafikimit, ata kanë dëmtuar autoritetet tatimore italiane për 190 milionë euro.

 Të tjera nga Shkurt.ch

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër