Kosova Lindore të bëhet pjesë e dialogut

Çështja e Kosovës Lindore duhet të jetë pjesë e dialogut ndërmjet Kosovës dhe Serbisë. Kjo ka qenë kërkesa e disa të rinjve nga Organizata “Vatra”, të cilët në mënyrë simbolike kanë protestuar para Kuvendit të Kosovës.

Këta të rinj besojnë se çështja e Luginës së Preshevës dhe Bujanocit duhet të zgjidhet. E zgjidhja më e mirë sipas tyre do të ishte Bashkimi Kombëtar. Me moton ” STOP” mos e harroni Kosovën Lindore, të rinjtë kanë kërkuar që sikurse Serbia e cila në këto bisedime kërkon të drejtat për komunitetin e saj në Kosovës edhe banorët e asaj ane duhet t’i gëzojnë të drejtat e tyre.