Kosova përplaset me Shqipërinë “sherri” i Rashicës

Shumë futbollistë nga Kosova luajnë për Shqipërinë dhe janë shtyllë e Përfaqësueses kuqezi. Madje, numri i tyre është rritur shumë kohët e fundit, sa numri i titullarëve nga Kosova ka shkuar në tetë, shkruan albinfo. Së fundi debutoi Milot Rashica. Futbollisti nga Vushtrria ka qenë pjesë edhe e Kosovës.

Por, përzgjedhësi i Kosovës, Albert Bunjaki ka thënë për “Klan Kosovën”, se do të ftojë Rashicën të luajë për Kosovën. “Do të ishte jo e drejtë dhe jo profesionale po të mos mendonim për Milotin. Shteti i Kosovës ka investuar te ai lojtar dhe natyrisht që pas pranimit në FIFA unë do ta ftoj atë në Përfaqësuese”, ka deklaruar Bunjaki, përcjell albinfo.ch.

Rashica ishte pjesë e Shqipërisë U-21, derisa debutoi për ekipin e parë në ndeshjen miqësoren ndaj Luksemburgut. Ai shpreson që të ftohet në Kampionatin Evropian. Rashica po shkëlqen me Vitessen në Holandë dhe është njëri nga lojtarët më të talentuar shqiptar.