Shkurt.ch

Kthehet vepra e vjedhur e Dalit

E diel, 1 Korrik 2012 - 7:56 albinfo.ch

Inspektorët e policisë së Nju Jorkut e kanë konfirmuar kthimin në Aeroportin Kennedy të pikturës së vjedhur para sa ditësh të piktorit të madh Salvador Dali.

Kjo vepër, që është vlerësuar me çmimin 150.000 dollarë qe vjedhur në një mënyrë interesante javën e kaluar nga një galeri e Nju Jorkut: një vizitor i ekspozitës e kishte futur në qese dhe kishte dalë pa u vënë re. Por, vjedhja ishte regjistruar nga kamerat.

Në një email të dërguar galerisë është bërë e ditur se piktura do t`i kthehej asaj, thotë galeria, e cila edhe ka informuar policinë për këtë.

Pakoja me pikturën është gjetur të premten. Deri më tash nuk ka pasur të arrestuar lidhur me rastin.