Kthimi i emigrantëve për zgjedhjet lokale

Mediet në Tiranë raportojnë se disa mijëra emigrantë po kthehen nga Greqia për votimet e së dielës.
Nga Kakavija në 24 orët e fundit është vërejtur fluks të ardhurish nga Greqia për të votuar më 21 qershor. Emigrantët të ardhur posaçërisht për zgjedhjet vendore nga Greqia janë organizuar me autobusë.
60 autobusë me emigrantë shqiptarë si dhe 1200 automjete kanë hyrë gjatë orëve të para të mëngjesit të së shtunës nëpërmjet pikës së kalimit kufitar të Kakavijës.
Autoritetet greke kanë lejuar në kufi edhe lëvizjen e fëmijëve të emigrantëve që kanë pasur probleme me pasaportat biometrike.