Kujdes nga trendet e reja të hajnisë!

Hajnat shpikin dhe përdorin mënyra të ndryshme të hajnisë. Një mënyrë e thjeshtë e cila është bërë trend nga hajnat në Austri ka për qëllim vjedhjen e çantave apo portofolave në vetura. Një shpikje të tillë, e ka provuar edhe një kosovar i cili pastaj është zënë nga policia.

Në një parking të e qendrës tregtare “Haid” të Ansfelden (Qarku i Linzit), dy hajna i afrohen një gruaje 54 vjeçare e cila ishte në veturën e saj dhe i thonë që rrota e veturës ka pësuar defekt.

Gruaja e brengosur, e lë çantën në ulësen e pasagjerit dhe del jashtë për të shikuar dëmin e veturës. Derisa njëri nga të dy hajnat, bisedon më gruan jashtë, një kosovar 38 vjeçar hynë nga ana tjetër e shoferit dhe rrëmben çantën pa u penguar nga askush, shkruajnë mediat austriake, transmeton “albinfo.ch”

Pas marrjes së çantës së bashku me portofol të dy kanë ikur. Gruaja lajmëron policinë. Pas një kohe policia e zë kosovarin e fshehur në një Shkurre, ndërsa hajni tjetër është në arrati.

Policia ka paralajmëruar qytetarët që mënyra të këtilla të mashtrimit se gjoja ka diçka nën rrotën e veturës suaj janë bërë të shpeshta, andaj kërkohet nga qytetarët të kenë kujdes që mos të lënë gjëra më vlerë në veturën e tyre.

Albinfo.ch

Burimi: http://ooe.orf.at/news/stories/2708239/