Uncategorized

Kurti: Ekipi Menaxhues e ka përfunduar misionin dhe funksionin e vet

E diel, 7 Maj 2023 - 19:00 albinfo.ch

Zyra e kryeministrit

Kryeministri i Kosovës, Albin Kurti deklaroi sot se Ekipi Menaxhues për hartimin e draft-statutit të Asociacionit të komunave me shumicë serbe e ka përfunduar misionin dhe funksionin e tij.

Sipas Kurtit, duke qenë se aty bëhet fjalë për Republikën Serbe në Kosovë, nuk ka edhe arsye që të dëgjohet ky ekip, i cili ka dhënë propozimin e tij lidhur me draft-statutin e Asociacionit, më 2 maj në Bruksel. Kreu i qeverisë së Kosovës argumenton se lirimi nga detyra i këtij ekipi është gjëja më e natyrshme dhe e logjikshme.

“Ekipi menaxhues e ka përfunduar edhe misionin edhe funksionin e vet, andaj ne nuk kemi më arsyeje që ta dëgjojmë ekipin menaxhues, i cili gjithë çfarë kishte të thoshte këtë na bëri në Bruksel me datën 2 maj”, tha Kurti.