Kosova
Kurti viziton familjet e heronjve Enver Zymberi e Afrim Bunjaku
Në prag të ndërrimit të motmoteve, në ditën e fundit të vitit 2023, kryeministri i Kosovës, Albin Kurti, së bashku me ministren e Drejtësisë, Albulena Haxhiu, ministrin e Punëve të Brendshme, Xhelal Sveçla dhe Drejtorin e Përgjithshëm të Policës së Kosovës, Gazmend Hoxha, vizituan familjet e dy heronjve të Kosovës, Afrim Bunjaku dhe Enver Zymeri.
Vizitën e filloi në Samadrexhë, te familja Bunjaku, i shoqëruar edhe nga djali i Enver Zymerit, Sokoli.
Aty kryeministri Kurti u shprehu edhe një herë mirënjohjen e thellë për sakrificën dhe kontributin e rreshterit të Policisë, heroit tonë Afrimit, gruas Lumnijes, vajzës Arbenitës dhe dy djemve, Fatlumit e Jetlumit, motrës Fexhrijes si dhe të afërmve të tjerë. E nga aty, i shoqëruar edhe nga dy djemtë e Afrim Bunjakut, Fatlumin e Jetlumin, vizituan familjen e Enver Zymerit, ku u pritën nga vëllai Egzoni, gruaja Drita, djali Sokoli, vajzat Luljeta e Rinesa, axha Ramadani dhe shumë të tjerë.
Enverin e kujtoj dy herë, tha kryeministri, një herë për shërbimin dhe sakrificën e tij dhe një herë tjetër për Bacën Rremë, babain e tij, Muharremin, shokun tim të burgut, me të cilin e kam ndarë të njëjtën qeli për një vit, në burg të Serbisë, e i cili ndërroi jetë para dy vitesh.
“Festat e fundvitit do të ishin më të plota me Afrimin e Enverin, por ne nuk i harrojmë asnjëherë, sepse ata janë historia krenare e Republikës sonë”, tha kryeministrit Kurti.
Oficerët e Policisë së Kosovës, Afrim Bunjaku e Enver Zymeri, ranë në krye të detyrës për sundimin e ligjit, integritetin territorial dhe sovranitetin shtetëror të Republikës së Kosovës.
Të tjera nga Kosova
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës