Ky është autobusi i së ardhmes

Në disa qytete të Britanisë shumë shpejt qytetarët do të kenë mundësi të shijojnë autobusin më të veçantë në botë, por edhe më luksozin. Ky autobus është i pajisur me shtretër, por do të shërbehen “smoothie” në bord.

Pasagjerët mund të flenë të pashqetësuar, duke mos pasur merak se humbasin stacionin, pasi do të ketë ‘stjuardë’ që do t’i zgjojnë pak para se të arrijnë në destinacion.

“Studimet tregojnë se ne flemë në mjetet e transportit publik 27 herë në vit dhe dhjetori është muaji kur kemi më shumë mungesë gjumi”, ka deklaruar shefi i kompanisë, Simba, James Cox, që është ideatori i këtij autobusi.

Simba është në bisedime gjithashtu për të bërë të mundur që në këtë autobus të mund të porositet ushqim, që do të arrijë në shtëpinë e pasagjerit në të njëjtën kohë me të.