Lajçak njofton përfaqësuesit e shteteve nordike për dialogun Kosovë-Serbi

Miroslav Lajčák, X

I dërguar i Bashkimit Evropian për dialogun Kosovë-Serbi, Miroslav Lajçak, ka njoftuar se sot është takuar me përfaqësues të shteteve nordike me të cilët ka biseduar për Ballkanin Perëndimor në Helsink.

Sipas tij, kanë diskutuar edhe për dialogun mes Kosovës dhe Serbisë.

“U takuam me përfaqësues të të gjitha vendeve nordike që kanë të bëjnë me Ballkanin Perëndimor sot në Helsinki për të diskutuar integrimin e rajonit dhe Dialogun e lehtësuar nga BE. Faleminderit Ministrisë së Jashtme të Finlandës për thirrjen e takimit dhe familjes nordike për mbështetjen e tyre në punën time”, ka thënë Lajçak.