Levrat: Blocher si Berlusconi

"Si njëri, ashtu dhe tjetri, sipas Levrat, kanë në plan të parë gjithnjë e më tepër interesat e tyre ose interesat e një pakice, në veprimet që bëjnë"

“Blocheri është sikurse Berlusconi”. Këtë krahasim e ka bërë kryetari i Partisë Socialdemokrate të Zvicrës Christian Levrat në kuvendin delegues të partisë së tij që është mbajtur sot në Solothurn. Si njeri, ashtu dhe tjetri, sipas Levrat, kanë në plan të parë gjithnjë e më tepër interesat e tyre ose interesat e një pakice, në veprimet që bëjnë.

Kështu, “Fininvest e Berlusconit mund të krahasohet me Ems Chemie (të Blocherit), ose Mediaset me “Weltwoche” apo Basler Zeitung”, afera “Rubbygate” me atë “Zuppiger”” ka thënë Levrat. Të gjitha këto krahasime ai i ka kurorëzuar duke barazuar partinë e Berlusconit Partei il Popolo della liberta me SVP-në e Blocherit. Sikur Berluskoni ashtu dhe Blocheri fshihen prapa imunitetit të tyre parlamentar për t`i ikur ndjekjes penale,ka shtuar kryetari i SP-PS.

Më tej në kuvend, Christian Levrat ka paralajmëruar se pas fitores së iniciativës “Minder” do të ketë edhe hapa të tjerë për të parandaluar fitimet ekstra të larta të menaxherëve