Liridon Krasniqi, nga “Baustelli” në futboll profesionist

Ndonëse ka luajtur futboll për skuadra të njohura në Evropë dhe ka qenë pjesë e akademisë së të rinjve në Bayern Munih, Liridon Krasniqi nuk e fsheh edhe punën që ka bërë në të kaluarën e tij.
“Pas gjysmë viti që bëra kontratën profesioniste, unë hasa në disa vështirësi. Për dy vjet kam punuar në “baustell” për 9 euro në orë. Kjo ju duket e pabesueshme por është shumë e vërtetë”, ka thënë ai gjatë një interviste për “Fussball Vorort”, transmeton “albinfo.ch”.
Ai shton se në ekipin ku luan në Turqi ka gjetur lumturinë dhe tashmë karriera e tij është duke ecur për së mbari.
Djaloshi nga Vitia, ka treguar edhe për miqësinë që e ka pasur me lojtarin serb në ish klubin e tij në Nürnberg. “Njeriu me të cilin kam pasur më së shumti shoqëri ka qenë Dejan Janjatoviç i cili aktualisht luan për “FC St. Gallen”, është përgjigjur ai.
Liridoni është i gjatë 1,88 cm dhe sa herë që ka qenë për pushime në Kosovë bukuria e tij ka tërhequr vëmendjen e vajzave. “Unë jam shumë i lidhur me familjen e ajo ka dëshirë që unë të martohem më një vajzë shqiptare”, kishte thënë Liridoni.