Live: Kongresi i UEFA-s

Në Budapest të Hungarisë ka filluar Kongresi i UEFA-s, ku pritet të pranohet Federata e Futbollit të Kosovës

Dita e shumëpritur për futbollin kosovar ka ardhur. Në Budapest të Hungarisë po mbahet Kongresi i UEFA-s, ku pritet që të pranohet Federata e Futbollit e Kosovës. Kosova është në pikën e dhjetë të rendit të ditës, shkruan albinfo.ch.

Kosova duhet të ketë 28 vota pro nga 54 anëtare të UEFA-s. Sipas zyrtarëve të Federatës së Futbollit të Kosovës, atyre iu janë premtuar 40 vota dhe me optimizëm të madh po e presin këtë Kongres. Kryetari i FFK-së, Fadil Vokrri ka thënë se kanë bërë të pamundurën dhe tash po presin pranimin.

Ndërkohë, në këtë Kongres ka folur edhe presidenti i FIFA-s, Gianni Infantino, i cili është shprehur se nëse Kosova pranohet në UEFA, atëherë do të pranohet edhe në FIFA më 13 maj. “Në rast pranimit me të drejta të plota të Kosovës gjatë ditës së sotme, atëherë do të pranohet automatikisht në FIFA”, deklaroi Infantino. Edhe mediat ndërkombëtare kanë shkruar për ëndrrën e Kosovës për t’u pranuar.