Luan Bajraktari hap ekspozitën e radhës në Vjenë

Luani në këtë ekspozitë do të prezantohet me një skulpturë që ka të bëjë pak me hapësirën, ndërsa Marko do të prezantohet me një performancë të cilën ai ka vendosur ta lërë surprizë.

Artisti kosovar, Luan Bajraktari si dhe ai kroat Marko Markoviç,  në bashkëpunim më Ambasadën e Kosovës në Austri dhe Futur II ftojnë të gjithë dashamirët e artit në hapjen e ekspozitës “Identita in Mutazione” e cila do të hapet në Vjenë të Austrisë.

“Ekspozita është në bashkëpunimin me hapsirën “Futur II”. Unë jam i ftuar nga galeristja bashkë me Marko Markovic nga Kroacia”, thotë Bajraktari për “albinfo.ch”.

Luani në këtë ekspozitë do të prezantohet me një skulpturë që ka të bëjë pak me hapësirën, ndërsa Marko do të prezantohet me një performancë të cilën ai ka vendosur ta lërë surprizë.

Ekspozita do të hapet më 30 shtator 2016 në ora 19:00 (në Haberlgasse 42, Hofhaus – 1160 Wien).

Për artistin Bajraktari kjo është vetëm njëra nga ekspozitat e shumta që ka hapur në Vjenë, të cilat janë pëlqyer dhe vlerësuar lartë nga njohësit e artit në Vjenë.