E-Diaspora

M e D grumbullon lëndën arkivore e muzeore të diasporës

Ministria e Diasporës do të organizojë grumbullimin dhe bartjen e dokumenteve e të materialeve me vlerë arkivore e muzeore, të cilat janë dëshmi të veprimtarisë së diasporës dhe të mërgatës sonë

E martë, 8 Tetor 2013 - 12:34 albinfo.ch

Diaspora dhe mërgata jonë ka dhënë një kontribut të jashtëzakonshëm në të gjitha fazat e rezistencës dhe të Luftës Çlirimtare, si dhe në procesin e shtetformimit të Kosovës. Ajo edhe sot vazhdon të jetë mbështetëse e fuqishme e zhvillimit të vendit, thuhet në një komunikatë për medie që e ka dërguar MeD.

Angazhimi i diasporës dhe i mërgatës sonë gjatë këtyre proceseve historike ka lënë gjurmë, të cilat konsiderohet se janë me vlerë të lartë muzeore dhe arkivore për historinë e Kosovës.        

Krijimi i bazës dokumentare, që dëshmon për  veprimtarinë dhe  kontributin e personaliteteve historike e kulturore shqiptare në diasporë dhe mërgatë,  do të ishte edhe një mirënjohje për kontributin e tyre. Përtej kësaj, një prurje e tillë dokumentare do të ishte një ndihmesë e madhe për pasqyrimin dhe prezantimin e së kaluarës sonë historike dhe kulturore, në baza shkencore dhe faktografike. Kjo do të mundësonte që studiuesit aktualë dhe të ardhshëm, vendës e të huaj, të diasporës dhe të mërgatës, të mund të shfrytëzojnë materiale më të kompletuara arkivore e muzeore. 

Materiali i grumbulluar arkivor dhe muzeor do të jetë në funksion të promovimit, ruajtjes dhe kultivimit të identitetit kombëtar, kulturor dhe gjuhësor të diasporës dhe mërgatës.

Ministria e Diasporës, nëpërmjet këtij njoftimi, u bën thirrje bashkatdhetarëve të ofrojnë materiale arkivore dhe muzeore të krijuara gjatë veprimtarisë dhe angazhimeve të tyre në të mirë të çështjes kombëtare.

Vendet ku bëhet dorëzimi i materialit muzeor dhe arkivor

Belgjikë

Konsullata e Republikës së Kosovës në Bruksel Rond Point Schuman 6, Box 5 1040 Brussels, Belgium +32 22 34 77 88, +32 22 34 78 00.

Gjermani

Konsullata e Republikës së Kosovës në Berlin Konsulat der Republik Kosovo Wall str 65 D-10179 Berlin +49 30 240 47 69 11; +49 30 240 47 69 19.

Konsullata e Republikës së Kosovës në Frankfurt Konsulat der Republik Kosovo Rudolfstraße 13/17, 60327 Frankfurt am Main F.R.of Germany +49 (0) 69 27 133 920; + 49 (0) 69 271 33 9229.

Konsullata e Republikës së Kosovës në Shtutgart Konsulat der Republik Kosovo  Johannes str 47B 70 176  Stuttgart – Deutschland +49 711 627 677 0; +49 711 627 677 29.

Suedi-Norvegji-Finland-Danimarkë

SHKA ” KOSOVA”

Halmstadvägen 26

30291 HALMSTAD

Zvicër

Konsullata e Republikës së Kosovës në Bernë

Embassy of the Republic of Kosovo Amthausgasse 3 3012 Bern +41 (0) 31 310 06 90; +41 (0) 31 310 06 91.

Konsullata e Republikës së Kosovës në Gjenevë Consulate of the Republic of Kosovo Rue de la Servette 93 1201,Geneva, Switzerland +41 22 734 27 34; +41 22 734 27 32.

Konsullata e Republikës së Kosovës në Cyrih Consulate of the Republic of Kosovo  Hohlstr. 610 8048 Zürich +41 43 343 0171; +41 (0) 43 343 0173.

Holandë

Ambasada e Republikës së Kosovës në Holandë Anna Paulownastraat 56 a, 2518 BG, The Hague +31 (0) 70 30 20 025; +31 (0) 70 36 444 73.

Përzgjedhja dhe bartja  e materialit në Kosovë do të realizohet nga Ministria e Diasporës dhe e Mërgatës, me mbështetjen profesionale të Agjencisë Shtetërore të Arkivave të Kosovës (ASHAK). Ky material, pastaj, do t’u dorëzohet ASHAK-së dhe Muzeut të Kosovës, në përputhje me ligjet në fuqi, normat dhe standardet ndërkombëtare.

(Dokumentacioni arkivor është i tërë materiali burimor dhe i reprodukuar nga institucionet publike,  personat juridikë dhe fizikë gjatë veprimtarisë së tyre, siç janë  të dhënat e shtypura (statutet, rregulloret, ftesat, librat e protokolleve, procesverbalet, vendimet,  raportet financiare, proklamatat, korrespondenca,  informatat për shtyp, hartat dhe skicat e ndryshme, faksimilet etj).

Dokumentacionin e përbëjnë edhe fotografitë, materialet audio-vizuale (incizimet e ndryshme), materialet elektronike dhe të  gjitha mjetet e tjera ndihmëse, të cilat mundësojnë që kuptimi i përmbajtjes së informacionit të jetë i qartë  dhe të lehtësohet shfrytëzimi i tyre).

I ftojmë të gjithë poseduesit e këtij materiali për përgatitjen paraprake të tyre, thuhet në fund të komunikatës së lëshuar nga Ministria e Diasporës.

 Të tjera nga E-Diaspora

Merita Pinta, një zonjë e fortë, me shumë merita

 E-Diaspora

 Jeta në Zvicër