Majlinda realizon ëndrrën

Majlinda Kelmendi është në qendër të vëmendjes së mediave botërore. Majlinda ditë më parë fitoi medaljen e artë në Kampionatin Evropian të xhudos, që u mbajt në Rusi, derisa është edhe dy herë kampione e botës.

Gjiganti televiziv “CNN” ka realizuar një kronikë me xhudisten pejane. Gjatë kësaj kronike, dy herë kampionia e Botës, tregon për vitet kur nuk mund të garonte dot për Kosovën, një ëndërr që tani është realizuar. “Ndihem e nderuar. Do të doja që të paktën për një apo dy ditë ta bëja popullin tim të qeshte, edhe pse ka shumë probleme”, u shpreh Majlinda.

Ajo do të bartë flamurin e Kosovës në këto Lojëra, në pjesëmarrjen e parë të Kosovës në këto gara.