Martohet Serena Williams

Tenistja e famshme amerikane, Serena Williams, është martuar me themeluesin e rrjetit shoqëror “Reddit”, Alexis Ohanian, në një nga dasmat më të mëdha të showbizit sivjet.

Beyonce, Kim Kardashian e Eva Longoria ishin ndër yjet e famshme të pranishme në ceremoninë në New Orleans të enjten.

Në ceremoni ishin të pranishëm rreth 200 persona, sipas raportimeve.

Një bllok i madh i qytetit ishte bllokuar për shkak të kësaj ceremonie, transmeton Albinfo.ch.

Mësohet se kjo dasmë ka kushtuar më shumë se 1 milion dollarë dhe mysafirëve u ishte kërkuar të mos sillnin telefonat mobilë për shkak të një marrëveshjeje me “Vogue”.

Çifti kishte njoftuar për fejesë në dhjetor të vitit të shkuar. Ata janë prindër të një vajze, Alexis Olympia, të lindur dy muaj më herët.