Mavraj, shumë afër Hamburgut

Mërgim Mavraj mund të kalojë në Hamburg dhe kjo mund të ndodhë që në muajin janar

Mbrojtësi i Kombëtares shqiptare, Mërgim Mavraj duket se do të vazhdojë karrierën e tij te Hamburgu. Lajmi bëhet publik nga revista gjermane “Kicker”, e cila citon një deklaratë të trajnerit Markus Gindsol, i cili pranoi se bisedimet po ecin me ritme shumë të shpejta edhe pse ka ende disa detaje për t’u përcaktuar, shkruan albinfo.ch.

Kontrata e Mavrajt me Kolnin skadon në verën e këtij viti dhe futbollisti shqiptar nuk e ka rinovuar ende atë, gjë që rrit akoma më shumë mundësitë që ai të kalojë te Hamburgu që në janar për të marrë vendin e Cleber, i cili do të transferohet te Santos.

“Kicker” thekson gjithashtu se Hamburgu është gati të paguajë për kartonin e futbollistit shqiptar dy milionë euro, dhe kështu Mavraj do të bëhej njëri nga futbollistët më të paguar shqiptar.

Mavraj ka qenë lider i Kolnit në sezonin vjeshtor, ku shkëlqyen në kampionatin gjerman.