Mbi 20.000 veta protestojnë kundër masave në Gjermani, shpërthen dhuna

Disa policë janë sulmuar, thotë një zëdhënës i policisë. Gazetarët gjithashtu janë sulmuar dhe abuzuar verbalisht nga protestuesit

Sipas vlerësimeve të policisë, më shumë se 20,000 njerëz kanë demonstruar kundër masave të ndalimit të Koronës të shtunën në Kassel.

Kriteret për protestë, të konfirmuara nga gjykata e qytetit, sipas të cilave ishin lejuar vetëm 6000 pjesëmarrës, janë shpërfillur masivisht, shkruan dpa.de.

Shumë pjesëmarrës nuk i përmbaheshin kushtit për të mbajtur maskën mbrojtëse. Gjatë një demonstrimi të paligjshëm nëpër qendër të qytetit, pati edhe përleshje të dhunshme me kundër-demonstruesit dhe policinë.

Disa policë janë sulmuar, thotë një zëdhënës i policisë. Gazetarët gjithashtu janë sulmuar dhe abuzuar verbalisht nga protestuesit, transmeton albinfo.ch. Raportohet se policët kanë përdorur shkopinj, sprej dhe topa uji për të neutralizuar protestuesit.

Disa persona janë arrestuar.

---