Mbi 5 milionë të punësuar në Zvicër

Numri i personave të punësuar në Zvicër u rrit shumë pak në fund të vitit të kaluar. Vetëm numri i punëtorëve të huaj u rrit në tremujorin e katërt të vitit 2017, shkruan albinfo.ch.

Krahasuar me të njëjtën periudhë të një viti më parë, numri i të punësuarve u rrit me 1.1 për qind në tremujorin e katërt dhe ai i grave me 0.1 për qind, njoftoi Enti i Statistikës Federale (FSO) të enjten. Rritja ishte 1.8% për të huajt dhe 0.1% për zviceranët.

Në përgjithësi, numri i të punësuarve u rrit me 0.6 për qind, në më shumë se 5 milionë persona, krahasuar me tremujorin e katërt të vitit 2016. Në tre muajt e parë të këtij vit, kishte qenë gjithashtu 0.6 për qind.

Edhe gjatë tërë vitit punësimi u rrit lehtë, krahasuar me vitin 2016, në 0.8 për qind. Në vitin 2016, rritja ishte ende në 1.4 për qind, më 2015 në 1.5 dhe më 2014 në 1.9 për qind. Për herë të parë në vitin 2017 numri mesatar i njerëzve të punësuar tejkalonte shifrën prej 5 milionësh.

Në tremujorin e katërt të vitit 2017, 222,000 persona ishin të papunë në gjithë Zvicrën, 2000 më pak se një vit më parë. Shkalla e papunësisë, siç përcaktohet nga Zyra Ndërkombëtare e Punës (ILO), ra nga 4.6% në 4.5% brenda një viti. Për krahasim, në BE norma ra nga 8.3% në 7.4% gjatë të njëjtës periudhë.