Mbrëmja e katërt e festivalit “Woerdz”, në shenjë të Kosovës

Në mbrëmjen e katërt një pjesë e mirë e programit iu kushtua Kosovës. Kësisoj, për 40 minuta me radhë, recitoi vargjet e saj P. J. Harvey, e cila pjesën më të madhe të krijimeve të saj ia kushtoi Kosovës.

Në mbrëmjen e katërt, në Das Spoken Word Festival (Festivali Ndërkombëtar i Fjalës së Folur), të mbajtur në Lucern, dy autorë shqiptarë nga Kosova kanë paraqitur krijimet e ciklit BALADA NGA KOSOVA, në SÜDPOL.

Siç tregon për albinfo.ch njëri ndër pjesëmarrësit (Bardhec Berisha) me nga një cikël krijimesh letrare, në ekipin e deklamimeve poetike shqip-gjermanisht, u prezantuan Bardhec Berisha e Prend Buzhala (shqip), kurse vargjet gjermanisht, të përthyera nga Bardhec Berisha, i recituan Rozë e Blertë Berisha.

Në mbrëmjen e katërt një pjesë e mirë e programit iu kushtua Kosovës. Kësisoj, për 40 minuta me radhë, recitoi vargjet e saj P. J. Harvey, e cila pjesën më të madhe të krijimeve të saj ia kushtoi Kosovës. Ajo është e njohur edhe si këngëtare që e ka dhe band-in e vet.

Salla ishte e tëra e mbushur me spektatorë që përjetuan një mbrëmje tejet impresive dhe iu duartrokitën krijuesve.

Në pjesët tjera të kësaj mbrëmjeje, u paraqitën Tim Krohn, Michael Fehr & Manuel Troller und Die Eltern (Simon Chen, Stefanie Grob dhe Sandra Künzi)…