Më pak emigrantë në Britaninë e Madhe

Rënia kryesisht është shpjeguar nga pasiguria rreth statusit të ardhshëm të shtetasve të BE-së në Britani pas Brexit

(AP Photo/Darko Vojinovic)

Numri i emigrantëve në Britaninë e Madhe në fund të muajit mars të këtij viti arriti në 246 mijë, që është më pak për 81.000 në krahasim me të njëjtën periudhë të vitit të kaluar, sipas të dhënave të fundit nga Zyra Nacionale e Statistikave e Mbretërisë së Bashkuar, përcjell albinfo.ch.

Vlerësimi i Zyrës së Statistikave është se ky informacion vjen pas një referendumi në Britani, në të cilin shumica e britanikëve janë pajtuar me Brexit dhe është vetëm një rezultat i reduktuar i fluksit të emigrantëve nga Evropa Lindore, vende të cilat janë tani në BE.

“Migracioni neto” është regjistruar me normë të reduktuar të evropianëve të lindjes, të cilët kanë aplikuar për sigurimet shoqërore dhe shëndetësore me të hyrë në Britani.

Rënia kryesisht është shpjeguar nga pasiguria rreth statusit të ardhshëm të shtetasve të BE-së në Britani pas Brexit dhe pasigurisë së përgjithshme që mbizotëron në Britani, emigrantët nga Lindja e Evropës, fushata e përafërt dhe shpesh fyese antievropiane dhe antiemigracion e gazetave në Londër, të afërta me konservatorët në pushtet.

Këto media vazhdojnë të përhapin urrejtje dhe jotolerancë ndaj njerëzve të Evropës Lindore, shpesh për t’i fajësuar për të gjitha problemet e fondeve britanike sociale, sistemin e rrezikuar të shëndetit publik, shkollat e mbipopulluara dhe për mungesë të banimit.