Më pak të papunë

Papunësia në Zvicër ka vazhduar të bjerë në muajin maj, kështu që numri i punëkërkuesve është zvogëluar për 4872 persona në krahasim me muajin prill, tha Sekretariati Zviceran për Ekonomi (SECO).

Shkalla e papunësisë në maj ishte ulur me 0.1 pikë të përqindjes dhe arriti në 3.2 për qind.
Nëse merret parasysh fluksi sezonal i punësimit, shkalla e papunësisë tregon një nivel të qëndrueshëm në krahasim me prillin, që ishte 3.3 për qind, thonë në SECO.

Ata shtojnë se efekti pozitiv sezonal në nivelet e punësimit në muajin maj erdhi kryesisht nga sektori i ndërtimit dhe në hoteleri.