Më së shumti trafikantë nga Hungaria

Nga Hungaria ka pasur në së shumti kontrabandistë me njerëz që janë kapur duke futur migrantë ilegalë në Austri. Sipas Ministrisë së Brendshme bëhet fjalë për 64 hungarezë të arrestuar. Pas tyre vijnë kontrabandistët serbë, sirianë dhe kosovarë. Nga Serbia janë kapur 56 trafikues ndërsa nga Kosova dhe nga Siria janë zënë nga 34 “homologë” te të parëve. Shumica e hyrjeve ilegale nuk vijnë nga Hungaria (1023) por nga Italia (10.244) shkruan oe14.at. Numri më i madh i migrantëve të ardhur së fundi në Austri janë refugjatë lufte nga Siria dhe nga Afganistani. Ardhja e tyre përmes kontrabandistëve, u kushton deri në 12 mijë euro për person sirianëve bën të ditur portali në fjalë, transmeton albinfo.ch. Shifrat aktuale të Ministrisë së brendshme flasin për 34.070 refugjatë të ardhur në Austri gjatë vitit 2014 ose për 24 për qind më shumë se në vitin 2013.