Më shumë refugjatë mbërrijnë në Zvicër

Keystone

Numri i refugjatëve përgjatë kufirit verior është rritur gjatë muajit të fundit. Rojet kufitare kanë ndaluar në katër javët e fundit në kufirin verior 1.800 refugjatë. Pothuajse një e katërta e tyre, domethënë 444 janë  kthyer menjëherë në Gjermani. Bëhet fjalë për katër herë më shumë se sa në tetor, raporton “NZZ am Sonntag”, përcjell albinfo.ch. Pjesa më e madhe e të  kthyerve janë shtetas afganë.

“Ne kemi përmirësuar bashkëpunimin me policinë federale gjermane,” tha Atila Lardori, zëdhënës i Administratës Federale Doganore të Zvicerës.

“Në veçanti, procedurat administrative për transfertat e kthimit janë thjeshtuar”, thotë Lardori.