Mediat austriake: Opozita në Kosovë dëshiron me protesta ta rrëzojë qeverinë

Opozita në Kosovë dëshiron që me protesta ta rrëzojë qeverinë, kështu shkruan orf.at, përcjell “albinfo.ch”.

Edhe organizata të tjera anti – qeveritare kanë paralajmëruar pjesëmarrjen në protestë të paralajmëruar për të shtunën në Prishtinë.

Opozita që prej disa muajve kërkon nga qeveria që të tërheq disa marrëveshje të nënshkruar me Serbinë, ku u janë dhënë të drejta të shumta minoritetarëve serbë në Kosovë.

Për këtë qëllim që prej disa kohësh ata kanë paralizuar parlamentin duke lëshuar në parlament edhe gaz lotsjellës. Sipas faqes austriake,  opozita kërkon zgjedhje të parakohshme.