Mehmedi kërkon hakmarrje

“Ne ende kemi punë të pakryera me Francë. Ne e dimë se ndeshja e fundit ndaj Francës nuk ishte shumë e mirë nga ne, dhe ende e kemi në mendje atë takim, por kësaj radhe do të jetë shumë më ndryshe”, u shpreh Mehmedi

(KEYSTONE/Jean-Christophe Bott)

Sulmuesi i Përfaqësueses së Zvicrës, Admir Mehmedi kërkon hakmarrje ndaj Francës për humbjen e pësuar në Botërorin e para dy viteve, ku francezët triumfuan 5:2. Zvicra dhe Franca takohen sonte në ndeshjen e fundit të grupeve, shkruan albinfo.ch.

Mehmedi shënoi golin e vetëm në takimin ndaj Rumanisë. “Ne ende kemi punë të pakryera me Francë. Ne e dimë se ndeshja e fundit ndaj Francës nuk ishte shumë e mirë nga ne, dhe ende e kemi në mendje atë takim, por kësaj radhe do të jetë shumë më ndryshe. Do të jetë një ndeshje e bukur dhe një përvojë shumë e mirë për ne”, deklaroi Mehmedi për “UEFA.com”.

Zvicra është afër kualifikimit, pasi i nevojitet edhe një pikë, por edhe nëse ka humb ka gjasa të shkojë si e dyta, ose edhe si e treta me katër pikë. Franca pas fitores ndaj Shqipërisë siguroi kualifikimin tutje.