Ministrat e Jashtëm diskutojnë për Kosovën

Situata e tensionuar në Veri të Kosovës dhe dialogu me Serbinë janë temat e diskutimeve në takimin në Luksemburg të Ministrave të Jashtëm të Bashkimit Evropian.

Shefi i diplomacisë Evropiane, Josep Borrell, do të raportojë mbi këto tema, e pastaj do të vazhdojnë diskutimet, përcjell albinfo.ch.

Siç ka raporton koha.net, të martën do të raportojë emisari i BE-së për dialogun, Miroslav Lajçak, në Komisionin për Politikë të Jashtme, ku pritet debat lidhur me situatën dhe tensionet mes dy vendeve.

Bashkimi Evropian ka pritur se do të ketë ulje të tensioneve pas takimeve të fundit që Borrelli ka pasur me dy liderët në Bruksel, një javë më parë. Liderët nuk janë takuar me njëri-tjetrin, por vetëm me Borrellin, përcjell albinfo.ch.