Ministria e Bujqësisë, demant shkencor raportit të ELUP-it për tokën

Tashmë është iniciuar procesi i analizimit në aspektin shkencor i të dhënave të raportit, të cilat nuk përkojnë njëra me tjetrën.

Ministria e Bujqësisë, e Pylltarisë dhe e Zhvillimit Rural nuk heshtë përballë të dhënave në raportin e ELUP-it, në të cili në thuhet se toka bujqësore në Kosovë është e kontaminuar.

Këto të dhëna po synohet të demantohen shkencërisht, nga Ministria e Bujqësisë.

Ministri Blerand Stavileci, ka deklaruar para deputetëve të Komisionit parlamentar për Bujqësi, ku ishte ftuar të diskutohej në lidhje me këtë raport, se tashmë është iniciuar procesi i analizimit në aspektin shkencor i të dhënave të raportit, duke shtuar se ato nuk përkojnë njëra me tjetrën.

“Rezultatet dhe konkludimet e dhëna në raport nuk përkojnë me njëri- tjetrin, dhe ky është vetëm një fakt se aty ka shumëçka të pavërtetë”, ka deklaruar Stavileci, raportojnë mediat e Kosovës.　

Konstatimet e tij, se Ministria do ta çojë deri në fund nismën për të demantuar raportin, i kanë mbështetur deputetët e partive opozitare që përfaqësojnë në këtë Komision, “Vetëvendosjes” dhe LDK-së, kurse ata të AAK-së kanë munguar në këtë mbledhje.