Ndalohet kosovari me katër irakianë

Një kosovar 26 vjeçar është ndaluar nga policia austriake nën dyshimin për transportin e personave në mënyrë ilegale.

Më 7 Maj, rreth orës 22 45 në autostradën e Anfelsden-it (Qarku i Linzit) është ndaluar një kosovar, i cili kishte në veturën e tij dhe katër irakianë të moshave nga 21 deri 42 vjeçar. Qëllimi i udhëtimit ishte dërgimi i personave në Gjermani, raportojnë mediet austriake, transmeton “albinfo.ch”.

Sipas policisë, kosovari është pjesë e një grupi të kontrabandistëve të cilët bartin persona në mënyrë ilegale nga Vjena për në Gjermani.

Policia ka deklaruar se të gjithë të dyshuarit janë arrestuar dhe po mbahen në burgun e Linz-it.